Elnur Nurəli strategiya, marketinq, brendinq, reklam və vizual kommunikasiya üzrə 20 ildən çox təcrübəyə malik olan müstəqil ekspert və məsləhətçidir.

O, 17 il Azərbaycanın ən böyük reklam agentliklərindən biri olan McCann Baku-da çalışıb, bunun 7 ilini o, agentliyə rəhbərlik edib. Onun kreativ liderliyi ilə Coca-Cola, Samsung, Toyota, Mastercard, Unilever, Bakcell, Nar və s. kimi ölkə və dünya miqyaslı brendləri üçün mükafatlar qazanan iriçaplı kampaniyalar  yaradılıb.

Elnur Nurəli hazırda ölkənin böyük agentlikləri və şirkətlərin üçün kampaniyalar gerçəkləşdirmək, bazara yeni markaları təqdim etmək və biznesi böyütmək üçün konsaltinq xidməti verir.

Elnur ölkənin marketinq sənayesinin maraqlarını qoruyan və 15 reklam agentliyi birləşdirən Azərbaycan Marketinq Peşəkarları Assosiasiyasının (MPA) rəhbəridir.

Zara İbrahimzadə 21 avqust 1975-ci ildə Bakıda anadan olub. Azərbaycan Dövlət Mədəniyyət və İncəsənət Universitetində, ABŞ-ın Corc Mason Universitetində təhsil alıb. 1994-2005-ci illərdə Azərbaycan televiziyasında, ölkənin müxtəlif kütləvi informasiya vasitələrində fəaliyyət göstərib. 2005-2020-ci illərdə “LUKOİL Türkiyə”, “Akkuyu Nükleer” və “SOCAR Türkiyə“ şirkətlərində çalışıb. Bu qurumlarda ayrı-ayrı marketinq və PR layihələrinin həyata keçirilməsinə rəhbərlik edib. 2020-ci ildən ABB-nin (Azərbaycan Beynəlxalq Bankı) Marketinq departamentinin direktorudur.